民主黨玩得靚

陳太出選，但有排都未有野睇，在這段預備期，我反而有興趣講下成件事。報紙無乜人講，但我覺得今次民主黨玩得幾靚。

民主黨過去幾年，一直都嘈喧巴閉無靜過，唔係上唔到位，就係有內鬼，好似不務正業咁。但係自從換咗主席之後，就好似都無咩負面新聞，係咪何俊仁被扑濕之後功力大增呢？

好似今次咁，最初何秀蘭出黎，甘乃威又話出，都已經好驚，好彩佢地班泛民又諗到做初選。中間其實都好多傳言話陳太想選、民主黨班領袖支持陳太唔支持甘乃威，又可能會出現第二梯隊唔肯......今次，佢地居然找到陳太出黎之餘、攪掂咗咁乃威唔鬧個黨，仲同個黨開記者會，叫個黨第二梯隊全力幫手。

咁即係點呢，即係話，「我咁想選我都唔出聲，你地其他區的第二梯隊塘邊鶴，唔好再嘈......」

於是，大家都靜晒。

我都有興趣知道民主黨今次點攪得掂，是不是換了個主席就成了呢? 還是其實裡面開始有D改變，所以才可以擺脫以前果D問題呢？同埋，如果佢地真係幕後主腦叫到陳太出黎，可以算係功德無論了。