選舉繕稿難頂

以往選舉，只有文匯報和大公報出繕稿，難頂程度一流，但近年蘋果日報為了頂住左派，也寫出了如繕稿的新聞，難頂程度與兩份左報有得揮。

今天看蘋果，余若薇著短褲都係新聞。先前陳淑莊去街市又是新聞。如此下去，下次新聞標題會不會是「今天余若薇有呼吸」？還有在李八方《楊森攜子上陣》一文，說「楊森是稱職中場，所以今次要保住佢連任，否則民主黨呢隊波散得」。

唔好玩啦。我想問，楊森做了兩年主席，大家有無記得佢有咩建樹？無。況且，楊森今年一早講左要「退下來」，「捧新人」，現在又來個大失憶，說楊森好重要，要保佢連任。莫非民主黨真係當香港的選民是白痴的，唔記得楊森說要退下來？還是民主黨現在才發覺，甘乃威實在太唔掂，點賣都賣唔起，所以只能賣楊森？

其實什麼也不是，只是他們擔心，余若薇未能取兩席的新聞出街，會出現如上屆「谷票」效應：港島選民空群而出要做住余若薇，令民主黨甘乃威連一席也不保，於是就出口術，說無楊森不行。

唉，難得的是蘋果又同佢地顛。其實這種「民主黨沒有楊森會散」呢D廢話，完全經唔起辯論。李柱銘和司徒華才是民主黨的鎮黨之寶，但兩個也一先一後退出立法會。尤其馬丁，他退出立法會也不擔心「民主黨會散」，試問民主黨是不是覺得楊森比馬丁「更勁」？又不覺得喎！還有，距離投票日只不過一星期，楊森退任成定局，不知到時蘋果又會不會說：甘乃威有力有支持？

這是個瘋狂的世界。